غرائب طلبات الخطبه ...!

السلام عليكم و رحمه الله و بركاته

شلونكم شخباركم عساكم بخير ؟؟

مبروووك علي و عليكم افتتاح القسم ؛)

موضوعي بسيط جدا و متعجبه منه بعض الشي

الله يسلمكم شي طبيعي ان يكون في طلبات للطرفين اثناء الخطبه

يعني بعد الموافقه و جذي

و من الطلبات مثلا

ان المرا ما تحط ميك اب في الرؤية الشرعيه

خلاص عيل لازم الريال يفسخ غترته و ما يحط اي شي بشعره بالرؤية الشرعيه احسن من اني انصدم بصلعته صح :p !!

سؤال من الرجل الى اهل البنت : حجت البنت و لا ليلحين ؟!!
لأن و بما ان الحج هالايام و الحملات اسعارها ناااار و يمكن يصادف حجهم بالصيف يبي يعرف اذا حجت علشان يفتك !!!!

سؤال من اهل العروس للخاطب او بمعنى اصح طلب : شهادة راتب من البنك و بتاريخ حديث



و هذا الطلب صج سمعت فيه
ابيييييييه فشــــــــــــله !! عيب بصراحه بالنسبه لي ان نسأل عن شهادة راتب !
يعني مثلا ممكن نسأل عن الشهاده و الوظيفه و بعدين بعد الزواج و لما تطيح الميانه :p تسأل المرا الريال
بس مو من الخطبه !

انا برايي ان في اشياء تنسئل بالخطبه
و في اشياء اثناء الخطبه بين الخطيب و خطيبته
و في اشياء بعد الزواج

مو باقي الا يطلبون ورقه من المحكمه مكتوب عليها " لا حكم عليه " !!

شرايكم انتو ؟ شنو عيب نطلب و شنو من حق اهل البنت يطلبون او اهل الريال ؟ و متى الوقت الملائم ؟
و شنو في غرائب طلبات الخطبه بعد : p

شكرا كتيررررر

مشكور على مواضيعك المميزة جدا

صراحة هذا الايام كثرت فيها طالبات والواحد مش عارف شو يحكي ولا يرد ؟؟؟؟

لا حول ولا قوة لا بالله العظيم .......

شكراا كتيرر الكم
مروركم الكريم زاد الموضوع جمالا وعظمة

مرسي كتيييييييير